ටයිම් 100 ඇතුළට ගිය, වයිරල් පෝස්ට් දැම්ම නිවුන්නු! සම්පූර්ණ ලැයිස්තුව!

ටයිම් සඟරාව තමන්ගේ ලොව බලවත්ම 100 දෙනාගේ ලැයිස්තුව නිකුත් කරලා. මෙවර කවරයේ ඡායරූපවල හැරී කුමරු සහ මේගන් මර්කල් කුමරිය, තරුණ ගායිකා බිලී අයිලිෂ්, ප්‍රවීණ රංගන ශිල්පිනී කේට් වින්ස්ලට් ඇතුළු හත් දෙනෙකු ඉන්නවා.

ඊට අමතරව ප්‍රබල සකේතාත්මක තරු විදියට ටෙනිස් ක්‍රීඩිකා නයෝමි ඔසාකා, ගායිකා බ්‍රිට්නි ස්පියර්ස්, ගායිකාවක මෙන්ම සමාජ සේවිකාවක වන ඩොලී පැට්‍රෝන් ඇතුළු පිරිසක් ඉන්නවා.

මේ සංකේතාත්මක චරිත ලෙස තෝරාගන්නේ තමන්ගේ එදිනෙදා ජීවිතයේදී ලෝකයේම අවධානයට ලක් වෙන විශේෂ දේවල් කළ අය. උදාහරණයක් විදියට බ්‍රිට්නි ස්පියර්ස් තමන්ගේ නිදහස වෙනුවෙන් කළ සටන, හැරී සහ මේගන් කුමරිය රජ පවුලෙන් ඉවත්වීම ආදී සිදුවීම්. මෙහි සිටින නයෝමි ඔසාකා මානසික පීඩනයට එරෙහිව ආදර්ශවත් ලෙස සටන් කළා විතරක් නෙවෙයි, ජෝජ් ෆ්ලොයිඩ් ඝාතනයෙන් පසු නිදහස වෙනුවෙන් සටන් කළ අය අතරත් සිටියා. මෑත ඉතිහාසයේ ඝාතනයට ලක් වූ කළු ජාතිකයන් සංකේතවත් කරන්නට මුහුණු ආවරණ පැළඳ ප්‍රසිද්ධ අවස්ථාවලට සහභාගී වීමත් ඇය කළා.

මන්ජුෂා පී කුල්කකර්නි, රසල් ජෙයුන්ග් සහ සින්තියා චෝයි යන ක්‍රියාකාරිකයන් ඇමෙරිකාවේ සිටින ආසියානු ජාතිකයන්ගේ අයිතිවාසිකම් වෙනුවෙන් කටයුතු කළා.

කෙසේ වෙතත් ඒ සියල්ලට වඩා මේ ලැයිස්තුවට ආකර්ශණීය ඇතුළත් වීමක් වෙන්නේ මුනා එල්-කර්ඩ් සහ මොහොමඩ් එල්-කර්ඩ් යන නිවුන් සහෝදර යුවළ. මේ දෙනනා පලස්තීනයේ ෂෙයික් ජරාහ් ප්‍රදේශයේ සිටි අය. පලස්තීනයේ මානව හිමිකම් අර්බුදය ලෝකයට කියන්නටත්, ආයුධ අතට නොගත් සාමකාමී පලස්තීනුවන් විදියට විඳින දුක ඉස්මතු කරන්නටත් ඔවුන් කටයුතු කළා. මුස්ලිම් ජනතාවට ආයුධ අතට ගැනීමේ වැරදි ආදර්ශ දෙන්නට අය ඕනෑ තරම්. ඒ අතර ආයුධ බිමින් තබා සාමයේ අවිය අතට ගන්නට කියාදෙන අයත් විශාල පිරිසක් ඉන්නවා. එල්-කර්ඩ් නිවුන්නු සමාජ මාධ්‍යවලට වයිරල් පෝස්ට් නිර්මාණය කරමින් මේ අර්බුදය ලෝකයට කියන්නට සමත් වුණා.

කොහොම වුණත් මේ දෙන්නා ටයිම් 100 ලැයිස්තුව ඇතුළට ගියේ ජනප්‍රිය තරු වූ නිසාවත්, ක්‍රීඩක ක්‍රීඩිකාවන් වූ නිසාවත් නොවන බව මතක තියාගන්න ඕනෑ. ඔවුන් එතැනට ගියේ සමාජ මාධ්‍ය හරහා තමන්ගේ රටේ ප්‍රශ්නය සාකච්ඡා කිරීමෙන්. තමන්ගේ සමාජයේ ප්‍රශ්නය සාකච්ඡා කිරීමෙන්.

ඉතින් අපේ රටේ තරුණ පරපුරට ආදර්ශවත්ම කතාව තියෙන්නේ ඒ දෙන්නාගේ බව අපි හිතනවා.

ටයිම් 100 ලැයිස්තුව පහතින්,